صحت کارڈ کیا ہے

اس پروگرام کے تحت نادرا کے ریکارڈ کے مطابق پنجاب کے ہر مستقل رہائشی خاندان کو منتخب سرکاری و نجی ہسپتالوں میں داخلے کی صورت میں قومی صحت کارڈکے تحت سالانہ 10 لاکھ روپے تک کے مفت علاج کی سہولت فراہم کی جا رہی ہے۔

 قومی صحت کارڈ کے حصول کے لئے کسی طرح کی رجسٹریشن کی ضرورت نہیں ہے، پنجاب کے مستقل رہائشی ہونے کی صورت میں آپ کا شناختی کارڈ ہی آپ کا صحت کارڈ ہے۔  تا ہم صحت کارڈ کے تحت علاج کی بلا تعطیل اور بر وقت فراہمی کے لئے ضروری ہے کہ خاندان کا تمام افراد کے کایف کانادرامیں درست اور مکمل اندراج ضروری ہے

ایک خاندان کو ایک قومی صحت کارڈ جاری کیا جاتا ہے جس کے تحت خاندان کا سربراہ، اسکی شریکِ حیات اور غیر شادی شدہ بچے،منتخب سرکاری و نجی ہسپتالوں میں داخلے کی صورت میں،علاج کی سہولت حاصل کر سکتے ہیں۔

قومی صحت کارڈ کے تحت منتخب ہسپتال میں صرف داخلے کی صورت میں علاج  (Indoor) کی سہولت میسر ہے۔
اس پروگرام میں خاندان کو ہسپتال میں داخلے کی صورت میں ثانوی علاج کے لئے ابتدائی طور پر سالانہ/- 60,000 روپے تک جبکہ ترجیحی علاج کے لئے ابتدائی طور پر  سالانہ
/-400,000 روپے تک کے علاج کا تحفظ فراہم کیا گیا ہے۔
درج ذیل صورتوں میں انشورنس کی رقم 6 لاکھ روپےسالانہ فی خاندان تک بڑھ سکتی ہے؛
٭            مریض ہسپتال میں داخل ہو اور علاج کے لئے دستیاب رقم کی حد ختم ہو گئی ہو۔
٭            مریض کی زندگی کو خطرہ لاحق ہو اور صحت کارڈ کی رقم کی حد پہلے سے ختم ہو چکی ہو۔
٭            زچگی کیس۔
جبکہ خصوصی حالات میں ان 4 لاکھ کے علاوہ 3 لاکھ روپے کی مختص رقم بھی استعمال ہو سکتی ہے، جیسا کہ؛
٭            کینسر کا جاری علاج
٭        امراضِ قلب کا علاج، جو کہ مقرر کردہ انشورنس کی رقم کی حد سے زیادہ ہو
٭            گردوں کے امراض کا جاری علاج
٭            گردوں کی پیوند کاری

۔ ثانوی علاج
اس پروگرام کے تحت ہر رجسٹرڈ خاندان کو ہسپتال میں داخلے کی صورت میں ابتدائی طور پر سالانہ/- 60,000 روپے تک کی رقم کا تحفظ فراہم کیا گیا ہے۔
٭      اس میں وہ تمام علاج شامل ہیں جن میں ہسپتال میں داخلہ ضروری ہو۔
٭      حمل و زچگی اور اس متعلق بیماریاں جن میں ہسپتال میں داخلہ ضروری ہو۔
٭      نارمل ڈیلیوری (Normal Delivery) / سی سیکشن
٭      زچگی کی پیچیدگیاں
٭      بچے کی  پیدائش سے پہلے  خاتون کا چار بار جبکہ  بچے کی پیدائش کے بعد ایک معائنہ مفت ہوگا۔
٭      ہسپتال سے اخراج کے بعد ایک بار معائنہ
۔ ترجیحی علاج
اس پروگرام کے تحت پنجاب کے ہر خاندان کوہسپتال میں داخلے کی صورت میں ابتدائی طور پر سالانہ/-400,000  روپے تک کی رقم تک کا تحفظ فراہم کیا گیا ہے۔
ترجیحی علاج میں شامل پیچیدہ اور بھاری اخراجات والی بیماریاں:
٭             امراض قلب           
٭             ذیابیطس سے متعلق پیچیدگیاں جن میں داخل ہونا ضروری ہو
٭             حادثاتی چوٹیں (زندگی بچانے کے علاوہ ہڈیوں کی ٹوٹ پھوٹ، سڑک کا حادثہ، جلنے کا علاج)
٭             اعضاء (دل، جگر، گردے، پھیپھڑے) کے ناکارہ ہونے کی صورت میں علاج
٭             دائمی بیماریوں کی پیچیدگی کا علاج، جیسا کہ
(یرقان Hepatitis B، کالا یرقان Hepatitis C)
٭             سرطان کے امراض
٭        گردوں کی بیماری کا علاج اور  پیوند کاری
٭             اعصابی نظام کی جراحی
٭            تھیلیسیمیا کا علاج 

  اس پروگرام کے تحت آپ کو منتخب سرکاری و نجی ہسپتالوں میں داخلے کی صورت میں صحت کارڈپر مفت علاج کی سہولت فراہم کی جائے گی۔
             ہسپتال میں داخلے کیلئے جانے سے قبل یہ اطمینان کرلیں کہ آپ کے پاس آپ کا قومی شناختی کارڈ اور بچوں کے داخلے کی صورت میں ان کا ب فارم لازمی موجود ہو۔
           ان دستاویزات کے ساتھ ہمارے منتخب کردہ ہسپتالوں میں سے کسی بھی قریبی ہسپتال کا انتخاب کریں۔ وہاں پہنچنے پر اس پروگرام کا نمائندہ ہسپتال کے استقبالئے پر آپ کی رہنمائی کیلئے موجود ہوگا۔
             نمائندہ آپ کے قومی شناختی کارڈ کی جانچ کرے گا اور متعلقہ شعبے تک آپ کی رہنمائی کرے گا۔

ہسپتال میں داخلے کے بعد تمام علاج بشمول ادویات اور تشخیصی ٹیسٹ مفت ہیں، یہی نہیں بلکہ ہسپتال سے اخراج کے بعد پانچ دن کی ادویات بھی ہسپتال فراہم کرتا ہے

صحت سہولت پروگرام کے تحت پنجاب میں منتخب شدہ ہسپتالوں کی فہرست ہماری ویب سائٹ پر ملاحظہ کی جا سکتی ہے۔
Impanel Hospitals

٭  صحت کارڈ سے مستفید ہونے کیلئےخاندان کےتمام کوائف (مثلاً شادی، پیدائش، وفات وغیرہ) کا نادرا میں درست اندراج ضروری ہے۔
٭  یہ سہولت صرف ہسپتال میں داخلے کی صورت میں ہی میسر ہوگی۔
٭  ہسپتال میں داخلے کے دوران مریض کو کسی بھی قسم کے اخراجات کی ادائیگی نہیں کرنی ہوگی۔
٭ خاندان کے افراد کی تعداد کی کوئی حد نہیں۔
٭  پروگرام میں شامل افراد کی عمر کی کوئی حد نہیں۔
٭  ثانوی علاج کیلئے ہسپتال میں داخلے کی صورت میں داخلے سے ایک دن قبل کی اور ہسپتال سے اخراج کے بعد مزید پانچ دن کی ادویات ہسپتال فراہم کرے   گا۔